Wayk’urikuna: HABAS PIJTU

Wakichukuna

• Ch’aki habas chullusqa (tawa vaso).
• kimsa cebolla
• Uk tomate
• Uk cucharita comino
• Iskay kiru ajos
• Tawa puka uchu, wakin colorante churanku
• Suqta papas jatuchis
• Kachi
• Aceite
• Perejil

AJINATA WAYK’UNA

Papa pelaytawan uk mankapi kachisituyuqta chayachina. Papa chayanankamataq chay tawa puka uchu chullusqata kutamuna maranapi. Jinallataq habas chullusqaspata qarasninta urqhuytawantaq uk mankitapi chayachina uchhika kachisituyuqta.

Chaymanta cebolla, tomate, ajostawan picana, picaytawantaq uk mankapi uchhika aceitetawan qhitichina, uk 2 minutos jinachá. Chaymantaq puka uchu kutasqata jich’aykuna iskay vaso yakutawan (nuqa churani habas caldonta aswan saborniyuq kananpaq), chaytataq qhitichina chayankama, uk media hora jinachá.

Papa chayaqtin tawaman q’allurpana. Chay puka uchu mankapi qhitichkan chayman jich’aykuna papata, habas chayasqatawan, chaypi piqturpana, uk 5 minutos jinata qhitirichina. Mana ancha caldo kanachu tiyan. 

Foto: boliviancookbook.wordpress.com

Chaytataq uk platopi qarakuna uk chhika perejil pikasqayuqta. “Sumaq misk’i mikhuna chayqa”, nispa willariwanchik mama Gregoria Caricari, pay ajinata wayk’urin Colomipi.

Escrito por: Zulma Porco – CENDA