Wanuqa jallp’ata kallpachan

Chaqra llank’aq runa masiqa jallp’ata kallpachanpaq wanutapuni churaq, chaypaq ovejasta, cabrasta, llamasta, allpakasta, wallpasta, wakasta ima uywaq. Wanupuni jallp’ataqa misk’ichan niq kanku. Kay qhipamanri chay yachayta chinkachiyta munachkanku, imarayku? abonos químicos junt’aykamuchkan, chaywan aswan jatunta, aswan usqayta puquykuna wiñan nillankutaq.

 

Aswan usqayta puquchiyllamanña richkanku, manataq waqaychachkanchu jallp’ankuta, ranqhanaman apayta aswanta munachkanku, qullqichaypi aswanta umanchakunku. Chillavi chiqapi runamasikuna sumaq misk’i jallp’aswan kanku, llamasta, allpakasta uywanku, chaymanta wanuta urqhunku. Kaypi kachkan don Cornelio Ríos, pay wanuta jich’achkan papa qallpaman, chaymanta mak’unku mujuta tarpurqa, chaymanpis wanutapuni jich’an. Yachayninchikta kallpachanallapuni kanman.