Yachayninchik: CH’ILLKAMANTA LLIKT’A RUWARINA

Ch’illka llikt’ita misk’i, k’achitu queso quesolla, jatun llaqtamantaqa llikt’a mana misk’ichu, kachiyuq jina, k’ara, mana allinchu, kay llikt’aqa k’achitu, misk’isitu.

Suqta thaskiypi llikt’a ruwayta yacharikuna, Norte Potosimanta apachimuwanchik.

LLIKT’A RUWANAPAQ, KAYKUNATA WAKICHINA:

UK. Ch’illka sach’itamanta k’aspisitusninta k’uturana, chayta ch`akichina.

Ch’illkamanta k’aspisitusnillan llikt’apaqqa, chayta tantarimuna

ISKAY. Ch’illka k’aspisitusta inqhana q`ulachinakama, yuraqman tukunankama.

KIMSA. Ch’illka uchphanta yakituwan chhapurquna, chaywan muruq´itusta ruwana.

TAWA. Chay uchpha muruq’ituta ch’akichina, chakispaqa uktawan q’ulachina.

PHICHQA. Chay muruq’itustaqa pali papita chayachiytawan kutarina, tinkuchina allinsituta, t’antapaq masa kikin kanan tiyan.

SUQTA. Tinkuchiytawan, makiwan chhuqu chhuqituta ruwana.

Llikt’aqa cocata akullinapaq, cocaqa kallpata quwanchik, yarqhayta, llakiyta, sayk’uyta chinkachin. Cocaqa q’uñi jallp’aspi puqun.Chaqra llank’aq wawqi masiqa chaytawanpuni kay Norte Potosipi coquitanta akullikunku.

Kaytaqa willariwanchik: Mauricia Villca Saca, Comunidad Cayo Cayo, Norte Potosi.

Kayta comunidadpi mask’arimun: Betzabé Saca.

Jr.