CENDA / 6 de Noviembre de 2020. Todos Santos raymi Aya Marq’ay (noviembre) killapi chayamun, Bolivia suyunchikpi jatun raymichakuy, almasta mast’akuwa suyanchik, alma kacharpayasta ruwanchik, paray pachaman yaykunapaqpis tusurikuspa yaykunchik.
Kunantaq parlarikusun Norte Potosí chiqapi Imaynataq Todos Santos raymi ruwakun?
1 p’unchay Aya Marq’ay killa almaspaq p’unchayninta yuyarispa kanchis, tukuy pikunachus manaña kay pachapichu kawsakunku paykunapaq wasinkupi wakichinku mast’akuta, comunidad Campayapi “tombolo” ninku mast’akutaqa.
2 p’unchaypitaq rinku pantiyunman mast’aku wakichiq, chaypiqa alma kacharpaya jina ruwakun, almata yuyarispa waqarikunku.
3 p’unchaytaq uk jatun raymita ruwanku, unaymantapachapis ruwaqpuni kasqanku, misk’ichaykunawan, pinkillada qhoqhotaswan, kikin p’achankuwan, sumaq t’ikanchasqa tukuypis kusirikunku, ñapis paraypachaman yaykunapaqña.
May unaymanta awasqankuwan p’achallikunku, unayqa awariq kanku kikin ayllumanta uywakunawan llamas, cóndor, katari, atuq, sach’as, p’isqukuna pallaykunapi rikhurichik kanku.
Kunanqa chaypis manaña kikinchu, kunan tiempo sipakusqa llikllasninkuta saltaqa escudo, kantuta símbolo patrios Bolivia suyunchiqmanta nispa, pallaykunapi rikhurichinku wiphalas, arvejas, zapallos, sandías tukuy imataña sipakusqa awarinku.
Ajinalla Todos Santos ruwarikun jaqay Distrito Indígena Campaya, Municipio Pocoata, Provincia Chayanta – Potosí.
<iframe width=»560″ height=»315″ src=»https://www.youtube.com/embed/-Dvc7akPORg» frameborder=»0″ allow=»accelerometer; autoplay; clipboard-write; encrypted-media; gyroscope; picture-in-picture» allowfullscreen></iframe>
Qillarinku:
Elsa Calani R. – UNSXX
Julia Román M. – CENDA
Visite nuestra pagina web anterior