Tata isikuq jallp’anpi yuntasnin llank’arichkanku

Carnavales watakama, Tata Ichiku raymiñataq chayamun, mana tiempo kanchu samarinapaq, takispallapuni, tususpallapuni nuqaqa.

Comunidad Taboada, Mizque (15 de mayo): Sapa wata, San Isidro jatun raymi ruwakun; tukuy niqmanta llank’adata ruwarik jamuq kasqanku, Norte Potosimantapacha jamunku, San Isidro raymipiqa  chúcaro yuntasta mansuyachinku, lluqallitusta yuntero kanankupaq amañachinku, ajinamanta chaqras sumaq puqurinanpaq.

Richard Almendras (9 años) nin: “Tata Isikupi llank’arispa kachkani, payman gustan llank’ana, yuntata amansachkani, kay yuntitas ancha chúkaros kanku, Tata Isiku mansoyachinqa, unaymanta jamunipuni”.

“Chaqra sumaqta puqunanpaq mañakuyku”

Milton Jiménez nin: “Yuntasqa calvariopi llank’anku, Tata Isidro llank’aq santo karqa nin, payman novillitosta amansannanpaq qhatimunku, manaña chúcaros kananpaq,  Tata Isiku agriculturesman yanapawayku, creeqtiyku payqa chaqra puquypi allin rinawaykupaq yanapawayku. Llank’aq yaykuyku paypi creespa, chayman jinataq chaqrasniyku puqun”.

YACHACHIQKUNA LLANK’ANANKUPAQ

Yuntamanta parlarichkanchik, yachaqaqkunawan parlarina, yunta ima killaspitaq samarin, ima killaspitaq sinchita llank’an. Yuntasninku kanchu? tractoresllawanñachu jallp’ata llank’anku?