SUPAYKUNA ACORDEÓN WAQARICHIYTA YACHACHIWAQKAYKU”

Uk pacha, viernes ch`isi qaqa puntapi tinkurqayku wawqiywan, manchi manchilla kachkarqayku, Sacarías sutikurqa wawqiyqa. Paytaq niwarqa.
-¡Uy Juvenal!, amasina jamunaychu karqa, as imaynachá kachkani. Nuqataq kutichirqani.

-¡Eh!, ama rabiachikuychu, manchilichu imataq kawaq. Apurata acordiónniykita uraykuchina. Sumaqta acordeón tukay munaspa jamunchik.
Ninku jinachus, acodeónpis parlanman jina tocarisun, supaykuna yacharichiwasun, qasillatachus parlanku, apurakuy, apurakuy. Ama iskaychakuspalla. Qaqa puntapi unaytaraq sayarqayku acordeónniyku chanta lazos ukharisqa.
-Qampaq acordeónniykitaraq watasun chanta kachaykusun, nirqani Sacaríasta.

Qharkatispa acordeónninta, lazontawan jaywawarqa, iskayniykumanta acordeón uk leqranmanta watarqayku, chaymantataq waq runas
parlasqankuman jinataq, qaqa puntamanta kachaykurayku Sacariaspaq acordeónninta.
Qaqaq siminpiqa supaykunapuni kasqanku.
-Uy uy ¡Uyarinkichu! ¡Uyarinkichu! Imaynatataq supaykuna acordeónniypis parlarimchkanman jina ch´aqwarimunku, niwarqa Sacariasqa may kusisqa.
Sacarías qhawarispaqa mancharirqani, ñawisniypuni lloqsirqayarqa, imaraykuchus uk yana llanthupis kanman jinata rikurparqani, q’ala uma puntaymanta chaki puntay kama pelosniy sayarirparqa mancharikusqaymantaqa, acordeón lazoyta t’akan t’akan t’ijurikapurqani. Chaymantaqa, k’ayantin runas willawarqanku, Sacarías acordeón ukharisqa wasinman chayaytawanqa, jina tuta pacha acordeónta tocarisqa. Wasi masisninqa pipis sinchita parlachkanman, takichkanman jina uyarisqanku, ratusqa acordeónta pipis tocachkanman jinata uyarisqanku.

Chay ch´isimantapacha Sacariasqa sumaqta tukuy imaymana takiykunasta, tonadasta yachaq tukayta,
sumaqta acordeónqa waqariq, takiriq, tukuyta kusichik Carnaval raymipiqa. Chaymanta pachataq kay wawqiyqa tukuyimata qunqasqa, sutintapis, lukuyapusqa nispa niq kanku.
Acordeónllata sumaqta parlarichik “Curawara de Carangas palomitay” nisqa takiyta, wañupunan.

Willariq: Rosalio Camacho García, Distrito Ucuchi, Sacaba.

N.P.G.