Qhichwa parlayninchikta wawakunaman yachachina

QHICHWA PARLAY IMAYNATAQ KACHKAN?

Añaskitu Iskay familiakunata waturimurqa, imaynachus qhichwa parlay kachkan yacharinapaq: Familia Revollo Cuéllar, Comunidad Pilancho – Cochabamba; Familia Ignacio Adrián, Comunidad Ochojchi – Norte Potosí.

Familia Revollo Cuéllar_ Comunidad Pilancho – Cochabamba
Kay familia ukhupi waynuchukuna, sipakuna manaña qhichwapi anchata parlankuñachu. Mamas, tatas, jatun tatas, jatun mamas ima qhichwata sumaqtaraq parlanku. Yachay wasiman, jatun llaqtasman rispa qunqayman churayta munachkanku.
Paykuna ancha llakiywan qhichwa chinkayninta qhawarinku. Kunan familia, comunidad uqhumanta kallpachanqanku

Familia Revollo Cuéllar

Familia Ignacio Adrián _ Comunidad Ochojchi – Norte Potosí

Kay familiapi qhichwa parlayqa sumaq kallpachasqa, juch’uy wawasmantapacha jatun tatakuna kama parlanku. Wawakuna paqarisqankumanta pacha qhichwata yachanku, yachay wasiman riqtinkuña castellanuta yachakunku, wasipiqa qhichwallatapuni parlanku.
Paykuna ninku: Tatakuna, mamakuna wawakunaman qhichwa parlayta yachachinanku tiyan, chaypi kallpachakunqa.

Familia Ignacio Adrián

Kay iskay familias ukhupiqa, qhichwa parlarikunraq kallpawan, sichus mana yachachikunqa musuq generacionesman chayqa atin chinkapuyta.

 Qhichwa parlayta kallpachanallapuni

Situación sociolingüística familia Revollo Cuéllar, comunidad Pilancho, Cochabamba.

“Qhichwallatapuni parlani, mana castellanota yachanichu…”, Basilia Cuellar

“Los jóvenes ya no hablan quechua porque en la escuela y la casa ya no les enseñan, también a causa del internet…”, Jhulya Acosta Revollo, 14 años, comunidad Pilancho, Cochabamba.

Situación sociolingüística familia Ignacio Adrián, comunidad Ochojchi, Norte Potosí.

“Tukuyniyku qhichwata parlayku; awiluy, mamay, tatay, hermanay, tiyuy, chaywan sapa p’unchay kayku”, Germán Ignacio, comunidad Ochojchi, Norte Potosí.

“Tatanchik, mamanchik, saqiwanchiq kay parlayta. Qhichwaqa kawsanallanpuni tiyan…”, Leonardo Ignacio, comunidad Ochojchi, Norte Potosí

Iskay familiakunata waturispaqa nisunman qhichwa parlay, wasipi, yachaywasipi, tukuy comunidadpi kallpachanallapuni

Información Pilancho, Cbba : CENDA

Información Norte de Potosí: Lic. Navor Rodríguez Juyari