“Añaskitu” tukuy chiqatapuni purimun, chay puriynimpi wawakunawan tinkuykun Uncía pampapi comunidad Colcoma Ayllu Qharacha Provincia Rafael Bustillo. Chaypitaq wawakuna willarinku cebada ruthuymanta chantapis llakiyninkuta riqsirichinku.
Chawpi paraypi qhasay chayamun, cosechapi pisillata uqharikuyku granutaqa
“Puquykunata kunan wata pisillata cosechasayku, helada chayarpamun qhasaykapun puquykunasta chayrayku pisilla cosechaqa, uywasniykumanpis cebada faltanqacha nisayku, imatachus qarasayku pisipuni cebadaqa, uywakuna cebadatapuni munan, nuqaykupis jank’ata mikhukuyku, chaymanta pituta trigomanta ruwayku. Kunan manacha pitupis, ni jank’apis kanqachu imanallasaykuchus chayrayku llakisqalla kasayku”.
Tutamanta yachay wasispi yachaqayku, tardentataq llank’aq riyku, tatasninkuta yanapaq, cosecha tiempopi kasayku, kunan cosechasayku granota, cebadata chanta trigota ima. Kay cebadasta ruthuyku josiwan wakinkuna mákinawan ratulla ruthurpanku chaymantataq burrusman chaqnayku wasiykuman apnapaq.
Añaskitu parlarikun wawakuna: Rodrigo, Grober, Florencia paykuna kanku comunidad Colcomamanta. PACHI.
Visite nuestra pagina web anterior