Imaynalla, Añaskitu puriskiri cuentitutañataq q’ipirimuchkan, kay cuentotaqa Vacas chiqamanta siq’irimuyku, kayqa Municipio Arani, departamento Cochabamba, Bolivia suyu.

Yachayninkumanta cuentitutaqa qillqarinku, wawakunapis tiempo qhawaytaqa amañankuña. Kay cuentosqa yachayninchista wawamantapacha kallpachanapaq karichkan. Juan Carlos chunka watayuq, payqa yachakuchkan Unidad Educativa Parco Qucha nisqapi, Muqu Muqu khichkararamanta cuento ruwasqa, ñawirinachis.

Muqu Muqumanta

Nuqa willarisaq Muqu muqumanta, kayqa uk cactu, khichkasniyuq. Sumaq trompo ruwanapaq, kirunanaypaq, jap’iqapaq ima may sumaq, kaytaqa papasuy willawan. Trompo ruwanapaqqa, ñawpaqtaqa muqu muquta urqhumuna, ch’akichina, chaymanta trompo ruwana, clavito churana, chaymanta pukllana,

wakin ruwanku, vendenankupaq, nuqa k’ullunmanta trompota ruwani.

Kunan kay Muqu Muqumanta ukta tapurisqaykichis:

– Kay Muqu Muquta Santa Cruzman apaptinchiq kawsanmanchu manachu?

– ¡Mana!.

– Imaptin?

– Ancha q’uñi kaptin.

– ¡Ari!.

Kay cuentitoqa uk Muqu Muqumanta. Payqa kay Vacas chiri lugarniyuq, kaymanta ukpacha ch’usasqa Santa Cruz q’uñi jallp’akunakama, chaypi kawsay munaspa, jallp’aman sat’ikusqa, chaypiri ancha q’uñi kaptin, wañupusqa, qhasipaq waq lugarman ripusqa.

Kay Muqu Muquq t’ikanqa manchay k’achitu, puka, rosadito, anaranjadito ima, tiyan waq ñañasnin, tukuy laya paykunaqa kanku nin. Chayta mamay willawan, chaylla kay kutipi kanman.

Willariwanchis: Juan Carlos Rodríguez.

Unidad Educativa: Parco Qucha, Municipio Vacas, provincia Arani.

Chunka watayuq.